Bluffing kfooz

"你有冇講過, 香港始終有一次要出動防暴隊同催淚彈黎對付示威人士?!"

loop新聞台，發覺tvb既角度已由報導事態發展轉向到講對民生既影響，搞到我有點心急。

梁振英由硬攻集會人士，到依家施軟計講集會搞到點甘民不聊生。我諗我都要學下佢，同同伴們共勉之餘，同反佔中者接一接線。

無錯，集會係阻塞左幾條行車線，令大家番工番學時間耐左，地鐵更加逼。

我之前都質疑佔中既做法同成效。

不過，我同幾十萬人遊行過，係政總又合法集會過，似乎成效近乎零。

2014年9月28號, 當你見到呢個由中央委派落黎既特首可以叫警察向和平示威者怒掟催淚彈同用槍指嚇民眾之後，市民係趕唔到佢走的，而且無一個政府官員係會持同佢相反既意見，你會明白呢個係一個好危險既政權。

“大部分人”話佔中金銅旺影響佢地平靜安定生活，但呢“大部分人”既大部分人都抱怨自由行氾濫，大陸人逼爆香港。

但依家，大陸政府話佢幫你篩剩兩三個愛將俾你選一個做香港市長，羅范連“直轄市”呢個term都講埋，你地真係覺得無問題？

其實，我地真係有聽到大家既意見同指罵，希望將對其他不參與既市民既影響減輕。你話搞到周地垃圾，大家執垃圾仲分類回收；你話阻到緊急服務，我地讓路俾消防救護會再快啲；你話有人破壞公物同搞警車，我地會再警覺啲唔俾人搞事；你話啲人散佈謠言，我地啲同伴會做多啲資料搜集，火速拆破紅隧塞5粒鐘同律敦治產房謊話，以及解構P圖舊圖。

呢幾條公路真係我地既last resort了。